Հորմուզի նեղուցի շրջափակման հետևանքով առաջացած նավթի և գազի ճգնաժամն «ավելի լուրջ է, քան 1973, 1979 և 2022 թվականների ճգնաժամերը միասին վերցրած»,-  Իրանի ջրային ուղին վերաբացելու՝ ԱՄՆ նախագահ Դոնալդ Թրամփի սահմանած վերջնաժամկետի լրանալուց առաջ հայտարարել է Միջազգային էներգետիկ գործակալության (ՄԷԳ) ղեկավար Ֆաթիհ Բիրոլը։

Բիրոլը Le Figaro-ին տված հարցազրույցում հայտարարել  է, որ Մերձավոր Արևելքի հակամարտության ազդեցությունը նավթի շուկայի վրա ավելի մեծ է, քան 1970-ականների երկու նավթային ցնցումների և Ուկրաինա Ռուսաստանի ներխուժման հետևանքների միասին վերցրած ազդեցությունը։

Բիրոլը ասել է նաև, որ ամենաշատը ռիսկի են ենթարկվում զարգացող երկրները՝ տուժելով նավթի և գազի գների աճից, սննդամթերքի գներից և գնաճի ընդհանուր արագացումից, սակայն եվրոպական երկրները, Ճապոնիան և Ավստրալիան ևս կզգան այդ ազդեցությունը։ Երեքշաբթի նավթի գինը մեկ բարելի համար գերազանցեց 110 դոլարը, երբ Թրամփը զգուշացրեց, որ «ամբողջ քաղաքակրթությունը կկործանվի այսօր երեկոյան», եթե Իրանը գործարք չկնքի։

Brent նավթի գինը, որը նավթի գների միջազգային չափանիշն է, Եվրոպայում կեսօրվա առևտրի ժամանակ աճել է 0,7%-ով՝ հասնելով մեկ բարելի համար 110,60 դոլարի, իսկ Նյու Յորքի թեթև նավթի գինը բարձրացել է 2,5%-ով՝ հասնելով մեկ բարելի համար 115,17 դոլարի։