Երբեք մի թերագնահատեք նախագահ Թրամփի՝ Ամերիկայի շահերը հաջողությամբ առաջ տանելու ունակությունը․ Սպիտակ տուն

Իր հրապարակման մեջ Սպիտակ տան ներկայացուցիչը պնդում է, թե «Էպիկական ցասում» (Epic Fury) գործողության հենց սկզբից Թրամփը կանխատեսել էր, որ այն կտևի 4-ից 6 շաբաթ։

«Մեր զինվորների անհավանական կարողությունների շնորհիվ մենք 38 օրում հասանք մեր հիմնական ռազմական նպատակներին և նույնիսկ գերազանցեցինք դրանք», - նշել է Լիվիթը։

Նրա խոսքով՝ ԱՄՆ Զինված ուժերի հաջողությունը Թրամփին և նրա թիմին թույլ է տվել «գործի դնել ազդեցության առավելագույն լծակները, ինչը թույլ է տվել բարդ բանակցություններ վարել, որոնք այժմ ճանապարհ են բացել դիվանագիտական լուծման և երկարաժամկետ խաղաղության համար»:

«Բացի այդ, նախագահ Թրամփը հասել է Հորմուզի նեղուցի բացմանը։ Երբեք չպետք է թերագնահատել նախագահ Թրամփի՝ Ամերիկայի շահերը հաջողությամբ առաջ մղելու և խաղաղության հաստատմանը նպաստելու կարողությունը», - հավելել է Լիվիթը։