Իրանի դեմ ձեռնարկված ԱՄՆ-ի «Էպիկական ցասում» գործողությունը Էպշտեյնի ֆայլերից ուշադրությունը շեղելու խղճուկ փորձ է, Դետրոյթում կայացած միջոցառման ժամանակ հայտարարել է ԱՄՆ նախկին փոխնախագահ Քամալա Հարիսը։

Ըստ Հարիսի, ԱՄՆ նախագահ Դոնալդ Թրամփին Իրանի դեմ պատերազմի մեջ «ներքաշել է» Իսրայելի վարչապետ Բենիամին Նեթանյահուն։

«Նա սկսել է մի պատերազմ, որի մեջ նրան ներքաշել է Բիբի Նեթանյահուն. եկեք սա հստակ արձանագրենք։ Նա սկսել է մի պատերազմ, որն ամերիկացի ժողովուրդը չի ուզում՝ վտանգելով ամերիկացի զինծառայողներին»,- հայտարարել է քաղաքական գործիչը։

Հարիսը Թրամփի վարչակազմն անվանել է «ԱՄՆ պատմության մեջ ամենակոռումպացվածը, անողորմն ու անձեռնհասը»։