ՆախընտրելիԻրաքում փետրվարի 23-ին կատարված ահաբեկչությունների զոհերի թիվն անընդհատ աճում է: Reuters գործակալությունը նոր տվյալներ է հայտնում` 60 զոհ, վիրավորների թիվը հարյուրների է հասնում:
Ահաբեկչություններն իրագործվել են Բաղդադում եւ իրաքյան այլ քաղաքներում, ընդ որում` հարձակման են ենթարկվել հիմնականում շիական շրջանները:
Հիշեցնենք, ամենալուրջ դեպքը կատարվել է Բաղդադի կենտրոնում` շիական Քարադա թաղամասում, որտեղ պայթյուն է տեղի ունեցել ոստիկանության անցակետում, որի հետեւանքով զոհվել է 9 մարդ:
Այնուհետեւ Բաղդադի հյուսիսում գտնվող Քադիմիա շրջանում ականապատ մեքենայի պայթյունից զոհվել էին 6 մարդ, եւս վեցը զոհվել էին մայրաքաղաքի Սարաֆիա շրջանում ոստիկանական անցակետի վրա գրոհայինների հարձակման ժամանակ:
Քադիմիայի առեւտրի կենտրոնում գլխավոր փողոցում կայանած միանգամից 4 մեքենա է պայթել:
Հաղորդվում է նաեւ Սալախումի, Դիայալա եւ Քիրքուք նահանգներում ռումբերի պայթյունների մասին:
Ահաբեկչական գործողությունների պատասխանատվությունը դեռ ոչ մի կազմակերպություն չի ստանձնել:
