Հայաստանում համակարգիչ ունեցող տնային տնտեսությունների քանակը դեռեւս փոքր է (2011 թ. տվյալներով` ընդհանուրի` 28.7%-ը): Այդ մասին նշված է ՀՀ ազգային վիճակագրական ծառայության հրապարակած «Հայաստանի սոցիալական պատկերը եւ աղքատությունը, 2012» հրապարակման մեջ:
Սակայն 2008թ. համեմատ համակարգիչ ունեցողների թիվը գրեթե եռապատկվել է:
Քաղաքներում համակարգիչ ունեն ընտանիքների 39%-ը, գյուղերում` ընդամենը 12.4%-ը:
2011թ. տվյալներով` տնային տնտեսությունների 19.1%-ը տանն ունի մշտական ինտերնետային կապ, իսկ 3.1%-ը` ոչ մշտական ինտերնետային կապ: 2011թ. տնային տնտեսությունների 24.8%-ն օգտվում է ինտերնետային կապից այլ վայրերում (աշխատավայր, ուսումնական հաստատություն, բջջային հեռախոս եւ այլն):