35-ամյա Շ.Ք.-ն ծանոթին անհիմն մեղադրել է իրեն բռնաբարելու մեջ: Բերդի ընդհանուր իրավասության դատարանից  NEWS.am-ը տեղեկացավ, որ սույն գործը քննվելու է  իրենց մոտ:  35-ամյա Շ.Ք.-ին մեղադրանք է առաջադրվել այն բանի համար, որ նա 2013թ. հոկտեմբերի 29-ին, ունենալով շահադիտական դրդումներ, ՀՀ ոստիկանության Իջեւանի բաժնում հաղորդմամբ` գիտակցաբար կեղծ տեղեկատվություն է տրամադրել այն մասին, որ իբրեւ 2013թ. հոկտեմբերի 22-ին Տավուշի մարզի գյուղերից մեկի բնակիչ Ա.Ս.-ն, նույն գյուղի անտառամասում, իր կամքին հակառակ, օգտվելով իր անօգնական վիճակից, բռնաբարել է իրեն:

Քրեական գործ է հարուցվել ՀՀ քրեական օրենսգրքի 333  հոդվածի  2 –րդ մասի  1 եւ 3 կետերով: Խափանման միջոց ընտրվել է ստորագրությամբ չհեռանալը: Գործը վարույթ է ընդունվել նոյեմբերի 29-ին առաջիկայում կնշանակվի դատական քննության օրը: