Երեւանում, օգոստոսի 25-ին կեսգիշերին միջադեպ է տեղի ունեցել Ալեք Մանուկյան փողոցում՝ «Մամա միա» կարաոկեի դիմաց:
NEWS.am-ի տեղեկություններով, մի խումբ երիտասարդներ, որոնց թվում են եղել հայ եւ ուկրաինացի աղջիկներ, քաշքշել են միմյանց, վիճաբանել: Այն վերածվել է ծեծկռտուքի, հարվածներ են հասցրել միմյանց՝ պատճառելով մարմնական վնասվածքներ:
Նրանք կոտրել են նաեւ ակումբի գովազդային վահանակը: Ամենայն հավանականությամբ ակումբից դուրս գալուց հետո է տեղի ունեցել միջադեպը: Ծեծկռտուքը ավարտվել է տարածքում ծառայություն իրականացնող ոստիկանների միջամտությամբ, կռվի մասնակցիները բերման են ենթարկվել: