Նորապատում էլեկտրական սյան վրա հոսանքահարված եւ մահացած տղաարդը Հոկտեմբերյանից է: Այս մասին NEWS.am-ի թղթակցի հետ զրույցում ասաց Նորապատի գյուղապետ Սամվել Բադալյանը:
Նա նշեց, որ 28-ամյա երիտասարդը ամուսնացած էր, ուներ մոտ 1 տարեկան երեխա: Թե ինչպես է եղել դեպքը, գյուղապետն ասաց, որ երիտասարդը բարձրացել է սյան վրա՝ հավանաբար չիմանալով, որ մեջը հոսանք կա ու այդպես տեղում մահացել է:
Հիշեցնենք, որ Հայաստանի ԱԻՆ-ում սեպտեմբերի 23-ին, ժամը 11.44-ին ահազանգ է ստացվել, որ Արմավիր քաղաքի «ՄՌՈւ» գործարանում քաղաքացին հոսանքահարվել է, անհրաժեշտ է շտապօգնություն: Հայաստանի ԱԻՆ փրկարար ծառայությունից հայտնում են, որ պարզվել է, որ քաղաքացին գտնվում է էլ. սյան վրա. իջեցնելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Պարզվել է՝ որ Նորապատ գյուղում՝ քաղաքային հաշվառման քննական բաժանմունքի հարեւանությամբ գտնվող էլ. սյան վրա աշխատանքներ իրականացնելիս էլ.ցանցի աշխատակից՝ 28-ամյա Կ. Դ.-ն հոսանքահարվել եւ մահացել է: