Արմավիրի մարզի Արեւշատ գյուղում նոյեմբերի 27-ին ինքնասպանություն գործած տղամարդը երեք երեխա ուներ, փոքրը՝ 5,5 տարեկան էր, մեծը՝ 5-րդ դասարան: Այս մասին NEWS.am-ի թղթակցի հետ զրույցում ասաց Արեւաշատի գյուցապետ Սուսաննա Գեւորգյանը, ով նաեւ դասավանդել է այդ երիտասարդին դպրոցում:
Նա նշեց, որ տղամարդը ամուսնացած է, ունի երեք երեխա: Նա անասնապահ է, գումարի դիմաց պահում է համագյուղացիների անասուններին եւ ցավալի դեպքն էլ հենց արոտավայրում է եղել: Գյուղապետը հայտնեց, որ դեպքի օրը երիտասարդը հեռախոսով թեթեւակի վիճաբանություն է ունեցել կնոջ հետ, բայց մինչ կինը հեռախոսը անջատել է, վազել դաշտ, նրան տեսել է ծառից կախված վիճակում: Սուսաննա Գեւորգյանի փոխանցմամբ՝ երիտասարդը շատ նրբազգաց է, վաղ հասակում կորցրել է հորը, այնուհետեւ՝ մորը:
Ավելի վաղ NEWS.am-ը հայտնել էև, որ Արմավիրի մարզի Արեւաշատ գյուղում երեկ` նոյեմբերի 27-ին երիտասարդ տղամարդու դի է հայտնաբերվել: NEWS.am-ին հայտնի է դարձել, որ նրան գտել են Արեւաշատ գյուղի եւ Արարատի մարզի Արբաթ գյուղերի միջնամասով ջրատարի մոտ` ծառից պարանով կախված:
Նախնական տեղեկություններով տեղի ունեցածը ինքնասպանություն է: Տղամարդը 34 տարեկան էր, ապրում էր Արեւաշատ գյուղում: Կատարվածի հանգամանքները պարզվում են:
