Վերջին օրերին հայ-ադրբեջանական սահմանին լարվածությունից հետո, հունվարի 24-ի լույս 25-ի գիշերը եւ այսօր օրվա ընթացքում համեմատաբար հանգիստ է եղել: Այս մասին NEWS.am-ի թղթակցի հետ զրույցում նշեց Հայաստանի պաշտպանության նախարարի օգնական Արծրուն Հովհաննիսյանը:
Նրա խոսքով, բոլոր սահմանային գոտիներում նկատվում է լարվածության թուլացում: Այս պահին իրավիճակը կայուն է, ՀՀ ԶՈւ ստորաբաժանումները լիովին վերհասկում են մարտական իրավիճակը:
Հիշեցնենք, որ վերջին օրերին հակառակորդը բազմաթիվ դիվերսիայի փորձեր եւ հարձակումներ է իրականացրել սահմանին: Մասնավորապես, հունվարի 24-ին, ժամը 12:00 -ի սահմաններում հակառակորդը Տավուշի մարզի Բերդի տարածաշրջանի մարտական դիրքերից մի քանիսի նկատմամբ կրկին դիվերսիոն հարձակողական գործողություն է ձեռնարկել: Միջդիրքային տարածքում հայկական դիրքապահների կողմից խումբը նկատվել է եւ մարտ է սկսվել, որի ընթացքում ադրբեջանական ստորաբաժանումը գրեթե ոչնչացվել է: Հայկական ստորաբաժանումները կորուստներ չեն կրել:
