Կիեւյան կամրջից այսօր՝ հունվարի 29-ին ցած է նետվել 15-ամյա մի աղջիկ, ում հրաշքով փրկել է գործարար Արայիկ Հայրապետյանը («Լավանդայի Արայիկը»): Նա NEWS.am-ի թղթակցի հետ զրույցում ասաց, որ գնացել էր Հրազդանի կիրճում գտնվող իր՝ «Պրինցեսա Մարիաննա» ռեստորանային համալիր, որտեղ շինարարական աշխատանքներ են ընթանում, հանկարծ տեսել է, թե ինչպես մի աղջիկ իրեն նետում Կիեւյան կամրջից:
«Տեսա ընկնելու պահը եւ լսեցի ջրի ձայնը, որ ընկավ գետը, նման բան չէի տեսել: Հրաշքով է փրկվել, քանի որ շատ հարմար տեղ էր ընկել, արագ, վազեցինք, հանեցինք, որեւէ վնասվածք արտաքինից չուներ, լավ հագնված էր, սոցիալապես անապահով չէր, միայն հասցրեցի հարցնել, թե քանի տարեկան ես, ասաց՝ 15, ուրիշ ոչինչ չխոսեցինք, «Շտապօգնությունը» տարավ»,-պատմեց Արայիկ Հայրապետյանը: