Նորք Մարաշ թաղապետարանի մոտ տեղի ունեցած ողբերգական վթարի արդյունքում տուժած երեխային Նորք Մարաշի հիվանդանոցից տեղափոխել են «Սուրբ Աստվածամայր» բժշկական կենտրոն: Այս մասին NEWS.am-ի թղթակցի հետ զրույցում ասաց Վերակենդանացման բաժանմունքի ղեկավար Աննա Չոբանյանը:
Նա նշեց, որ իրենց մոտ տեղափոխված երեխայի վիճակը ծայրահեղ ծանր է, նա 8 ամսական է՝ Տիգրան Հարությունյան, իսկ մահացածը նրա զույգ եղբայրն է՝ Արման Հարությունյանը: Աննա Չոբանյանը հայտնեց, որ մյուս վիրավորն էլ նրանց մայրն է:
Ավելի վաղ հայտնել էինք, որ Նորք Մարաշ վարչական շրջանի թաղապետարանի հարևանությամբ Volkswagen մակնիշի մեքենայի վարորդը վրաերթի է ենթարկել 4 հոգու: Այս մասինNEWS.am-ի թղթակցին հայտնեցին ոստիկանության լրատվական ծառայությունից: Վրաերթի ենթարկվողներից 2-ը մեծահասակ են, իսկ 2-ը՝ երեխաներ: Երեխաներից մեկը մահացել է, մյուս երեք հետիոտներին տեղափոխել էին Նորք Մարաշի հիվանդանոց: