Անգլիայի եկեղեցին Քինգսթոն-ափոն-Հալլի եպիսկոպոս է ձեռնադրել 58-ամյա Էլիսոն Ուայթին: Այսպիսով, վերջինը դարձել է Մեծ Բրիտանիայում երկրորդ կին-եպիսկոպոսը: Այս մասին գրում է The Guardian-ը:
«Էլիսոնն իսկական բարեպաշտ եւ իմաստուն մարդ է: Հրաշալի է, որ նա ընդունել է մեզ հետ միասին Հիսուսի կերպարը Յորքի թեմ հասցնելու՝ Աստծո կանչը»,- ասել է Յորքի արքեպիսկոպոս Ջոն Սենտամուն:
Ուայթն ամուսնացած է Նյուքասլ-ափոն-Թայնի եպիսկոպոսի օգնական Ֆրենկ Ուայթի հետ:
Ըստ Mignews-ի, անցյալ տարեվերջին Սթոքփորթի եպիսկոպոս էր կարգվել Լիբբի Լեյնը՝ դառնալով Անգլիկան եկեղեցու առաջին կին-եպիսկոպոսը: Լեյնի նշանակումը հավանության էր արժանացել Մեծ Բրիտանիայի Եղիսաբեթ II թագուհու կողմից: