Հնդկաստանի Չհատիսգարհ նահանգի Ռայփուր քաղաքում ոստիկանությունը ձերբակալել է դպրոցի տնօրենին, որին կասկածում են մանկապղծության մեջ: Նախնական տվյալներով, նա դպրոցի տանիքում բռնաբարել է նախադպրոցական տարիքի մի երեխայի:
The Indian Express-ի փոխանցմամբ, Star Public School դպրոցի տնօրեն, 54-ամյա Շիվա Կալանորիային քրեական հետապնդում է սպառնում:
Հետաքննությունը սկսվել է այն բանից հետո, երբ 5-ամյա աղջկա ծնողները դիմել են ոստիկանություն: Փոքրիկը պատմել է, որ չորեքշաբթի կասկածյալն իրեն դպրոցի տանիք է տարել, որտեղ էլ, ինչպես ենթադրվում է, աղջկան բռնաբարել է:
Դպրոցից տուն վերադառնալով՝ տուժածը բողոքել է որովայնի շրջանում ցավերից: