Գյումրիում այսօր՝ հունվարի 31-ին, 74-ամյա կնոջը վրաերթի ենթարկելու պատճառ դարձած վթարի մասնակիցներից մեկը՝ «Մերսեդես»-ի վարորդ Ֆրունզե Ասատրյանը, Գյումրիում հայտնի մեծահարուստ, գործարար Գարեն Ասատրյանի ավագ որդին է:
Հիշեցնենք, որ ականատեսները մեզ պատմել էին, որ «Օպել» մակնիշի մեքենան զիջել է փողոցն անցնող հետիոտնին, այդ ժամանակ «Մերսեդես» մակնիշի մեքենան հետեւից հարվածել է «Օպել»-ին, ինչի հետեւանքով այն վրաերթի է ենթարկել 74-ամյա Սուսաննա Զաքարյանին, որը տեղում մահացել է:
«Մերսեդես» մակնիշի 22 FR 222 համարանիշի ավտոմեքենայի վարորդը եղել է Ֆրունզե Ասատրյանը, «Օպել» մակնիշի 34 VF 390 համարանիշի մեքենայինը՝ Արարատ Ավետիսյանը:
Մեր տեղեկություններով՝ հարուցվել է քրեական գործ, Ֆրունզե Ասատրյանը ներկայացել է քննչական բաժին:
