Հրազդան-Ծաղկաձոր ավտոճանապարհին փետրվարի 2-ին տեղի ունեցած ավտովթարի հետեւանքով մարմնի տարբեր վնասվածքներով Հրազդան բժշկական կենտրոնից Երեւանի Աստղիկ բժշկական կենտրոն տեղափոխված Էդիկ Իսայանին այսօր` փետրվարի 7-ին, Վերակենդանացման բաժանմունքից տեղափոխել են հիվանդասենյակ, նա արդեն ապաքինվում է: Այս մասին NEWS.am-ի հետ զրույցում ասաց գլխավոր բժիշկ Ռոբերտ Կուրղինյանը: Նա նշեց, որ նույն օրը Երեւանի Աստղիկ բժշկական կենտրոն տեղափոխված Աշտարակի 25-ամյա բնակիչ Կարեն Մանուկյանի վիճակը շարունակում է ծանր մնալ, նա գտնվում է Վերակենդանացման բաժանմունքում, միացված է արհեստական շնչառության ապարատին, անգիտակից վիճակում է:
Ավելի վաղ տեղեկացրել էինք, որ Հրազդան-Ծաղկաձոր ավտոճանապարհին փետրվարի 2-ին, տեղի է ունեցել ավտովթար, բախվել են «Ֆոլքսվագեն Վենտո» մակնիշի 34 OS 642 (վարորդ՝ 1991 թ. ծնված Կ. Ս.) եւ «ՎԱԶ-21014» մակնիշի 35 PO 699 համարանիշներով ավտոմեքենաները:
