Կանադայի արեւելյան հատվածում ուժեղ սառնամանիք է սպասվում: Ջերմաստիճանը գիշերը կհասնի -40 աստիճանի: Այս մասին հաղորդում է ICI Radio Canada-ն:
Մոնրեալում եւ Քվեբեկում ջերմաստիճանը ցերեկը կլինի -19, գիշերը՝ -26:
Իշխանությունները տեղի բնակչությանն արդեն նախազգուշացրել են սառնամանիքի եւ ցրտահարության բարձր վտանգի մասին: Նույնպիսի նախազգուշացում է արվել Մանիտոբայում եւ Օնտարիոյում:
Երկուշաբթի ջերմաստիճանը կարող է վերականգնվել, իսկ երեքշաբթի, նախնական տվյալներով, 20-30 սմ ձյուն կարող է տեղալ:
