Տարածքային ընտրական օկրուգներում պիտի ազդեցության վարչական լծակներ չլինեն: Այդ մասին ապրիլի 25-ին Հայաստանի խորհրդարանում վերամշակված նոր Ընտրական օրենսգրքի քննարկմանը հայտնել է «Բարգավաճ Հայաստանից» պատգամավոր Միքայել Մելքումյանը:
Նախատեսված է 13 տարածքային օկրուգ, գործնականում ներկայիս մարզերի եւ Երեւանի շրջանների սահմաններով (վերջիններս` 3-ական խմբերով): Իսկ դա նշանակում է, որ առաջվա պես կարող են գործարկվել ներկայիս լծակները` մարզային ադմինիստրացիաներ, «Էլեկտրացանցերի» տարածքային բաժանմունքներ, ոռոգման ջուր օգտագործողների հանրություններ եւ այլն:
«Այդ պատճառով անհրաժեշտ է օկրուգների թիվը կրճատել մինչեւ 6-7, որպեսզի մարզերի սահմանները դրանցում ջնջվեն եւ վարչական ազդեցությունը թուլանա», - հայտնել է Մելքումյանը:
Ի պատասխան, Կառավարության աշխատակազմի ղեկավար, նախարար Դավիթ Հարությունյանը նշել է, որ պատահական չէ, որ ընտրատարածքների սահմանները համընկնում են մարզերի սահմաններին, այլ նրա համար, որ հնարավորություն տրվի զարգացնել կուսակցությունների տարածքային կառույցները (այսինքն` մարզային):
13 ընտրատարածքը կարելի է այնպես ձեւափոխել, որ յուրաքանչյուրը հայտնվի 2-3 մարզի միացման կետում, սակայն այդպես չի լուծվի կուսակցական միավորների ամրապնդման հարցը: Իսկ ընտրական օրենսգիրքը դրան է ձգտում, հավելել է նա:
