Հայուհու եւ թուրքի սերը վերջապես ավարտվեց ամուսնությամբ 6 տարի սպասելուց հետո:
Այս մասին հաղորդում է թուրքական «Today’s Zaman» պարբերականը: Հայուհի Հերմինե Դալմազյանը Մուհամեդ Ալիի Շիմշեքին հանդիպել է 6 տարի առաջ, երբ այցելել է Տրապիզոնի Օֆ թաղամասը, որպեսզի տեսնի իր քրոջը:
Դրանից անմիջապես հետո Շիմշեքը նրան ամուսնության առաջարկ է արել, եւ նա համաձայնել է: Այնուամենայնիվ, բյուրոկրատական քաշքշուկների պատճառով նրանք չեն կարողացել ամուսնանալ վեց տարի:
Սակայն տեղի ղեկավարի մի քանի տարվա ջանքերը վերջապես արդյունք են տվել, եւ վերջերս կայացել է զույգի ամուսնության հանդիսությունը:
Շիմշեքն արդեն մեկ անգամ ամուսնացած է եղել, սակայն նրա կինը վեց տարի առաջ մահացել է ջրհեղեղի պատճառով: Նա չորս երեխա ունի առաջին ամուսնությունից: Այդ նույն տարում Շիմշեքը հանդիպել է Դալմազյանին: Վերջինս այնուհետեւ տեղափոխվել է Շիմշեքի բնակարան, որտեղ ապրել է նրա չորս երեխաների եւ հիվանդ մոր հետ: Հերմինեն ընդունել է իսլամ եւ ստացել Այշե անունը: Չնայծ բոլոր դժվարություններին, Դալմազյանը չի լքել Շիմշեքի ընտանիքը, ընդհակառակը`երկու զավակ է պարգեւել` Ֆաթմա եւ Մուհամեդ անուններով:
Առաջին ամուսնության չորս զավակներն ասել են, որ իրենց հայ մայրիկն իրենց նկատմամբ շատ հոգատար է եւ նրանք սիրում են նրան:
