Երեւան-Սեւան ավտոճանապարհին, հոկտեմբերի 16-ին տեղի ունեցած ավտովթարից տուժած 3 զինվորները, որոնցից մեկը` Էդմոն Ալեքսանյանը հիվանդանոցում մահացել էր, կարճատեւ արձակման թույլտվություն են ունեցել:
Այս մասին ասել է պաշտպանության փոխնախարար Վլադիմիր Գասպարյանը:
Ավելի վաղ NEWS.am-ը հայտնել էր, որ Սեւան-Երեւան ճանապարհի 41-րդ կմ-ին, հոկտեմբերի 16-ի երեկոյան, «ՎԱԶ-21102» մակնիշի ավտոմեքենա է բախվել ճամփեզրի արգելապատնեշին եւ շրջվել ձորակը: Վարորդը եւ 2 ուղեւորները մարմնական վնասվածքներով տեղափոխվել են հիվանդանոց, որտեղ ուղեւորներից մեկը մահացել է:
«Տուժած զինծառայողները կիրակի օրվա համար ունեին կարճատեւ արձակման թույլտվություն, սակայն նրանք իրավունք չունեին դուրս գալ Երեւանի կայազորի տարածքից»,-ասել է նա: