Մոսկվայում  ձերբակալվել է Արեւմտյան Բիրյուլեւո շրջանի «Բիրյուզա» առեւտրի կենտրոնի  դիմաց տեղի ունեցած խռովությունների հինգերորդ մասնակիցը՝ Գենադի Շիբանովը,  որը «Ռուսսկայա Մոսկվա» շարժման  համակարգողն է։ Ձերբակալման մասին հաղորդել է Շիբանովի փաստաբան Օքսանա Միխալկինան։

Ըստ փաստաբանի ձերբակալման պատճառը Բիրյուլեւոյում «ժողովրդական հավաքին» մասնակցելն է եղել, հայտնում է ԻՏԱՌ-ՏԱՍՍ-ը։

Ավելի վաղ ոստիկանությունը ձերբակալել էր չորս կասկածյալների։ Նրանցից երեքին դատարանը կալանավորել է, չորորդը չբացակայելու ստորագրությամբ ազատ է արձակվել։

Բիրյուլեւոյում անկարգությունների գործով երեք երիտասարդներ են կալանավորվել

Նշեենք, որ զուգահեռ եւս երկու գործ է սկսվել Բիրյուլեւոյի անկարգությունների մասնակիցների նկատմամբ։ Եգոր Շչերբակովի սպանության կասկածյալ Օրհան Զեյնալովին մեղադրանք է ներկայացվել։

Այս սպանությունը Բիրյուլեւոյում զանգվածային խժդժությունների էր հանգեցրել։ Եվս մեկ գործ հարուցվել էր Բիրյուլեւոյի բանջարեղենային բազայի ղեկավարության նկատմամբ,  բանտարկություններ էին եղել։