Իսրայելի վարչապետ Բենյամին Նեթանյահուն հայտարարել է, որ պաղեստինցի իսլամիստների ՀԱՄԱՍ շարժումը պատասխանատու է իսրայելցի առեւանգված երեք դեռահասների սպանության համար, փոխանցում է The Jerusalem Post թերթը:

Նա խոստացել է, որ ՀԱՄԱՍ-ը «պատասխան կտա» դրա համար: 

Անելի վաղ Իսրայելը հայտարարել էր հրեական  հոգեւոր դպրոցի առեւանգված երեք աշակերտների սպանության մասին:

Նրանց մարմինները հայտնաբերվել են հունիսի 30-ին` Հորդանան գետի Արեւմտյան ափի Խեւրոն քաղաքի հյուսիսային հատվածում:

Դեռահասներին առեւանգել էին հունիսին` Հորդանան գետի Արեւմտյան ափին: Առեւանգվածներից երկուսը 16 տարեկան են, մեկը` 19:

Իսրայելը կատարվածում սկզբից էլ մեղադրել է ՀԱՄԱՍ-ին եւ բանակային գործողություն իրականացրել` Հորդանան գետի Արեւմտյան ափին ձերբակալելով  400 արաբի, որոնց երեք քառորդը ՀԱՄԱՍ-ի ակտիվիստներ են եղել, ինչպես նաեւ 10 պաղեստինցի խորհրդարանականների:  Զինվորները խուզարկել են 2,8 հազար շինություն:

Իր հերթին Պաղեստինի ՀԱՄԱՍշարժումը հերքել է Իսրայելի մեղադրանքը երեք դեռահասների սպանության վերաբերյալ եւ զգուշացրել զերծ մնալ «պատերազմ հրահրելուց»: