ԿԺԴՀ իշխանությունները երկրի բնակիչներին արգելել են երեխաներին երկրի առաջնորդ Կիմ Չեն Ընի անունով կոչելը: Ավելին, անունը չեն կարող օգտագործել նրանք, ում վաղուց էին այդպես կոչել:
Ըստ փաստաթղթի՝ Հյուսիսային Կորեայի իշխանությունները նման քայլի են դիմել՝ փորձելով պահպանել «ներկայիս առաջնորդի գերագույն դերը»: Փաստաթղթի հեղինակները գրում են առաջնորդների եւ շարքային քաղաքացիների անունների համընկնումների անցանկալիության մասին, քանի որ «առաջնորդներին չի կարելի հավասարեցնել շարքային մարդկանց», հայտնում է «Ռենհապ» գործակալությունը՝ վկայակոչելով Փհենյանի պաշտոնական փաստաթուղթը:
2011թ. ԿԺԴՀ այն ժամանակվա առաջնորդ Կիմ Չեն Իրը հրաման էր արձակել, որով իր անունն ունեցող երկրի քաղաքացիներին առաջարկվում էր այն «կամավոր» փոխել, հիշեցնում է «ՌԻԱ Նովոստին»:
Ավելի վաղ երկրում արգելվել էր Կիմ Չեն Իրի հոր՝ Կիմ Իր Սենի անվան գործածությունը, որը Հյուսիսային Կորեայի հիմնադիրն է, եւ որը երկիրը ղեկավարել է 1948 թ.-ից մինչեւ մահ՝ 1994 թ.:
