ՀԱՊԿ-ում հավաքական ավիաուժի ստեղծման վերաբերյալ առաջարկ է նախապատրաստվում: Այդ մասին լրագրողներին հայտնել է ՀԱՊԿ-ի գլխավոր քարտուղարի տեղակալ Վալերի Սեմերիկովը, հաղորդում է ՌԻԱ Նովոստին:
«Մենք որոշում ենք նախապատրաստել, որը պիտի ներկայացնենք հավաքական անվտանգության խորհրդի քննարկմանը. Դրանով նախատեսվում է ՀԱՊԿ-ի ընդհանուր ավիաուժերի ստեղծում, որոնք անմիջապես կապահովեն մեր ուժերի եւ միջոցների տեղափոխությունը», — ասել է կազմակերպության գլխավոր քարտուղարի տեղակալը:
Նրա խոսքով, հավաքական ավիաուժերն անհրաժեշտ են նրա համար, որպեսզի ՀԱՊԿ-ի ուժերն ու միջոցներն օպերատիվ տեղափոխեն հավաքական անվտանգության պայմանագրի անդամ երկրների այս կամ այն շրջան:
ՀԱՊԿ-ի անդամ են Հայաստանը, Բելառուսը, Ղազախստանը, Ղրղըզստանը, Ռուսաստանը, Տաջիկստանը:
