Թուրքիայի ԱԳՆ-ն նոյեմբերի 24-ին Ռուսական ռազմական օդանավի կործանման հարցով հրավիրել է ՄԱԿ Անվտանգության խորհրդի 5 անդամ երկրների ներկայացուցիչներին։ Այս մասին հայտնում է Reuters-ը՝ վկայակոչելով թուրք պաշտոնյային;
ԱՄՆ-ի, Ռուսաստանի, Չինաստանի, Ֆրանսիայի եւ Մեծ Բրիտանիայի դեսպաններին հրավիրել էին Թուրքիայի ԱԳՆ այն բանից հետո, երբ ռազմական օդանավը կործանվել էր թուրք-սիրիական սահմանին։
Հիշեցնենք, որ ռուսական Սու-24 օդանավը կործանվել էր նոյեմբերի 24-ին Սիրիայում։ ՌԴ նախագահ Վլադիմիր Պուտինը հայտարարել էր, որ օդանավը խոցվել էր «երկինք-երկինք» F-16 թուրքական օդանավի կողմից եւ ընկել էր Սիրիայում՝ Թուրքիայի սահմանից 4 կմ հեռու։
