ՌԴ պաշտպանության նախարարությունը եւ Թուրքիայի Զինված ուժերը խզել են փոխգործակցության բոլոր ուղիները: Այս մասին հայտարրարել է ՌԴ ՊՆ պաշտոնական ներկայացուցիչ Իգոր Կոնաշենկովը:
Ըստ ՌԻԱ Նովոստիի, հետ է կանչվել նաեւ ռուսական ՌԾՆ ներկայացուցիչը, որը Թուրքիայում էր՝ Սեւծովյան նավատորմի եւ թուրքական ՌԾՈՒ գործողությունները համակարգելու համար:
«Այսօր, ավելի վաղ կայացված որոշման համաձայն, խզվել են Ռուսաստանի ՊՆ-ի եւ Թուրքիայի ԶՈՒ-ի միջեւ փոխգործակցության բոլոր գործող ուղիները: Դա վերաբերում է ոչ միայն, այսպես կոչված, «թեժ գծին», որը գործում էր՝ Սիրիայում ահաբեկչական ենթակառուցվածքային օբյեկտների ոչնչացման ժամանակ օդում հնարավոր միջադեպերը բացառելու համար»,- ասել է Կոնաշենկովը:
