Երեւանի «Սուրբ Աստվածամայր» բժշկական կենտրոնում հունվարի 11-ին քաղցկեղով հիվանդ 10 ամսական երեխա է մահացել, որը վարակված է եղել H1N1 վիրուսով, որը հայտնի է խոզի գրիպ անունով: NEWS.am-ի այս տեղեկությունը հաստատեցին բժշկական կենտրոնից:
Երեխան` Սյունիքի մարզի Վաղատուն գյուղի բնակիչ 10-ամսական Նելլի Հովսեփյանը, «Սուրբ Աստվածամայր» ԲԿ է ընդունվել դեկտեմբերի 22-ին: Երեխայի մոտ հայտնաբերվել է ուռուցք, այն հեռացվել է: Երեխայի մոտ հայտնաբերվել է նաեւ խոզի գրիպ, ինչի հետեւանքով առաջացել է թոքաբորբ, նա մահացել է:
Նշենք, որ սա արդեն խոզի գրիպից մահացության 8-րդ դեպքն է Հայաստանում:
