Հայաստանի պաշտպանության նախարարի մամուլի խոսնակ Արծրուն Հովհաննիսյանը շարունակում է հրապարակել ադրբեջանական ագրեսիայի հետեւանքով զոհված զինծառայողների լուսանկարները:
Շարքային Արթուր Գառնիկի Գեւորգյանը 19 տարեկան էր, Կոտայքի մարզի Աբովյան քաղաքից: Նրա հոգեհանգիստը տեղի կունենա այսօր ժամը 17:00-ին Սարալանջի գերեզմանատան սգո սրահում, իսկ հուղարկավորությունը վաղը ժամը 13:00-ին:
Շարքային Ազատ Քաջիկի Սիմոնյանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի կունենա այսօր ժամը 18:00-ին, իսկ հուղարկավորությունը վաղը 13:00-ին Կոտայքի մարզի Կամարիս գյուղում:
Շարքային Ժորա Արթուրի Եսայանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի կունենա այսօր ժամը 18:00-ին Արարատի մարզի Դարբնիկ գյուղի գյուղապետարանի դահլիճում, իսկ հուղարկավորությունը վաղը 13:00-ին:
Շարքային Նորիկ Զավենի Սարգսյանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի է ունեցել այսօր ժամը 16:00-ին, իսկ հուղարկավորությունը տեղի կունենա վաղը ժամը 12:00-ին Գեղարքունիքի մարզի Երանոս գյուղում:
Պայմանագրային սերժանտ Ռոբերտ Աբրահամի Աբրահամյանը 23 տարեկան էր, Արարատի մարզի Տաթերական գյուղից: Նրա հոգեհանգիստը տեղի կունենա այսօր ժամը 18:00-ին գյուղի մշակույթի տանը, իսկ հուղարկավորությունը վաղը 13:00-ին:
Փոխգնդապետ Ալեքսան Գեւորգի Առաքելյանը 34 տարեկան էր, Զինված ուժերում ծառայում էր 2000թ.-ից: Նրա հոգեհանգիստը տեղի կունենա վաղը ժամը 18:00-ին Գյումրիի Սուրբ Նշան եկեղեցում, իսկ հուղարկավորությունը ապրիլի 13-ին ժամը 14:00-ին Գյումրիի Թատրոնի շենքից:
Սերժանտ Ադամ Խաչատուրի Սահակյանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի կունենա վաղը 17:30-ին Երեւանի Կոնդի եկեղեցում, իսկ հուղարկավորությունը՝ ապրիլի 13-ին ժամը 13:00-ին:
Շարքային Բորիս Ռաֆիկի Օզմանյանը 20 տարեկան էր, բանակ էր զորակոչվել 2014թ.-ին: Նրա հոգեհանգիստը տեղի կունենա վաղը ժամը 18:00-ին Արմավիրի մարզի Տարոնիկի գյուղապետարանում, իսկ հուղարկավորությունը՝ Ակնալիճում:
