Պետության միջոցներով առաջիկայում 3 զինծառայող մեկնելու է արտերկիր` հետագա բուժում ստանալու: Այս մասին այսօր` հունվարի 25-ին, լրագրողների հետ հանդիպմանն ասաց ՀՀ Զինված ուժերի ռազմաբժշկական վարչության պետ, գնդապետ Կամավոր Խաչատրյանը:
«Մհեր Պետրոսյանը, որը գլխի շրջանում էր վիրավորումը ստացել, կմեկնի Գերմանիա` բուժումը շարունակելու: Աշոտ Գրիգորյանը, որի արմնկային հոդը բացակայում է ու պրոթեզավորման անհրաժեշտություն կա, հետազոտվել է ՌԴ-ում գործող կլինիկայում եւ առաջիկայում այնտեղ պրոթեզավորվելու է: Եվս մեկ զինծառայող աչքի վիարահատության է ենթարկվելու կրկին Ռուսաստանում»,- ասաց Կամավոր Խաչատրյանը:
Նշենք, որ այս զինծառայողները վիրավորվել են ապրիլյան պատերազմից առաջ: Նրանցից երկուսը` Մհերն ու Աշոտը, բուժման կմեկնեն Կառավարության որոշմամբ: