Կիրակի՝ փետրվարի 26-ին, Երկրի բնակիչները կկարողանան եզակի աստղագիտական երեւույթի հետեւել՝ արեւի օղակաձեւ խավարմանը, հայտնում է Infroming-ը:
Արեւի օղակաձեւ խավարումը տեղի է ունենում այն պահին, երբ երկնակամարում կրճատվում են Լուսնի եւ Երկրի մակերեւույթի ստվերները: Լուսինը կծածկի արեւի սկավառակի մի փոքր հատվածը, իսկ դիտելու համար հասանելի կլինի ոչ մեծ նեղ եզրը:
Խավարումն ավելի լավ նկատելի կլինի Երկրի հարավային կիսագնդի միջին եւ մերձարեւադարձային լայնություններում: Այն կկարողանան տեսնել Հարավային Ամերիկայի՝ Չիլիի եւ Արգենտինայի բնակիչները: Խավարումը նկատելի կլինի նաեւ հարավաֆրիկյան մի շարք երկրներում:
Այն, որ խավարումը կարելի է տեսնել միայն որոշ երկրներում, գիտնականները բացատրում են Երկրի վրա Լուսնի ստվերի մակերեսով, որը կազմում է 270 քառակուսի կիլոմետր:
Գիտնականներն զգուշացնում են, որ նման կարգի երեւույթները մարդկանց ինքնազգացողության վրա ազդում են, ուստի արեւի խավարման օրերին հարկ է առողջության նկատմամբ ավելի ուշադիր լինել:
