Շտաբը, որը սկսել է տեղեկություններ հավաքել՝ կապված վնասատու WanaCrypt0r 2.0 շորթիչ ծրագրի գլոբալ հարձակման հետ, ստեղծվել է Ճապոնիայի վարչապետ Սինձո Աբեի գրասենյակին առընթեր, հայտնում է NHK հեռուստաընկերությունը:
Շտաբը պետք է բոլոր նախարարությունների հետ կապ պահելով վնասատու ծրագրային ապահովման ակտիվության հետ կապված տեղեկություններ հավաքի եւ վերլուծի: Ճապոնիայում հանգստյան օրերին գրանցվել է վարակման ընդամենը 2 դեպք, սակայն աշխատանքային օրվա առաջին ժամերին իսկ վարակի զոհերի մասին նոր լուեր են ստացվել: Հայտնի է դարձել, որ վարակվել են Hitachi ընկերության փոստային սերվերները, ինչը կցված ֆայլերը բացելու եւ նամակներն ուղարկելու խնդիրներ է առաջացրել: Հաղորդում է ստացվել Արեւելյան Ճապոնիայի երկաթուղային JR ընկերության համակարգչի վարակման մասին:
Եվրոպոլի տվյալներով՝ շորթիչ վիրուս WanaCrypt0r 2.0 հարձակման հետեւանքով տուժել են աշխարհի 150 երկրների 200 հազար օգտատերեր:
