Հայաստանում խմելու ջրի սակագինը հնարավոր բարձրացումը անհիմն է։ Այս մասին օգոստոսի 14-ին լրագրողների հետ հանդիպման ժամանակ նշել է «Սպառողների խորհրդատվության կենտրոն» հասարակական կազմակերպության նախագահ Կարեն Չիլինգարյանը։
Նա հիշեցրեց, որ «Վեոլիա ջուր» ընկերությունը ցանկանում է առաջարկել սակագների բարձրացում՝ մեկ խորանարդ մետրի դիմաց մոտ 194 դրամ։ «Դա անընդունելի է։ Ինչո՞ւ նրանք որոշեցին, որ հենց հիմա պետք է բարձրացնեն գները եւ ինչու՞ հենց 14 դրամով»,-ասաց Չիլինգարյանը։ Նրա տեսանկյունից՝ պետք է պայքարել ջրի գողության դեմ։ «Խնդիրը նման կերպ լուծելու փոխարեն, նրանք բարձրացնում են ջրի սակագինը»,-վրդովվել է ՀԿ-ի ղեկավարը։
Օգոստոսի սկզբին Հայաստանում ջրամատակարարման միակ օպերատորը՝ «Վեոլիա ջուր» ընկերությունը (ֆրանսիական «Veolia Generale des Eaux»-ի դուստր ձեռնարկություն), հայտնել է, որ ծրագրում է դիմել հանրային ծառայությունները կարգավորող հանձնաժողով՝ ջրի սակագինը բարձրացնելու համար։ Այժմ Հայաստանում ջրի սակագինը 1 խորանարդ մետրի դիմաց 180 դրամ է (0.37 դոլար)։ Նշվում է, որ ընկերությունը ծրագրում է սակագինը հասցնել 194.3 դրամի (0.45 դոլար)։