News
Լրահոս
News
Կիրակի
Հուլիս 22
Տեսնել լրահոսը

Հունվար-հունիսին Հայաստան է ներկրվել 134,1 հազար տոննա նավթամթերք՝ մեկ տոննայի համար 696 դոլար միջին մաքսային արժեքով։ Նշենք, որ մեր մաքսատյին ծառայությունը տվյալները հրապարակում է քառանիշ կոդով, ըստ որի՝ բենզինն ու դիզվառելիքը ներառված են «նավթամթերքներ» ապրանքախմբի մեջ։ Հստակ է, որ բացի մեքենաների վառելիքից, այդ խմբում այլ նավթամթերքներ էլ կան։ Ուստի ծավալների եւ միջին գների դինամիկայի մասին եզրակացությունները որոշակիորեն հարաբերական բնույթ են կրում։

Ռուսաստանի բաժինը նավթամթերքների ներմուծման մեջ կազմում է 75,3 տոկոս եւ մեկ տարում աճել է 8,5 տոկոսային կետով։ Սակայն այդ աճը հիմնականում կապված է Իրանից եւ Ռումինիայից ներմուծման կրճատման հետ (համապատասխանաբար 62 եւ մոտ 87 տոկոսով), մինչդեռ Ռուսաստանից ներմուծումներն աճել են աննշան (մոտ 1,2 տոկոսով)։ Նշենք որ միջին մաքսային արժեքը այդ երկրներից ներմուծվող նավամթերքների համար ավելի ցածր էր, քան Ռուսաստանի դեպքում։

Ռուսաստանում բենզինի մանրածախ գները կայուն աճում են՝ բացարձակապես «արհամարհելով» նավթի միջազգային գների տատանումները։ Բանն այն է, որ մանրածախ գնի մեջ բավական բարձր է հարկերի տեսակարար կշիռը (ներկայումս՝ մոտ կեսը), որոնք իրենց հերթին անշեղորեն աճում են։

Բացի այդ, կան նաեւ սուբյեկտիվ գործոններ։ Ռուսաստանյան որոշ փորձագետներ կարծում են, որ բենզնի մանրածախ գների աճովուղղահայցին ինտեգրված նավթային ընկերությունները փորձել են փոխհատուցել հում նավթի համաշխարհային գների անկումը։ Սակայն վերջին ամիսներին նավթը զգալիորեն թանկացել է, իսկ Ռուսաստանում բենզինի գները չեն նվազել։ Ընդհակառակը, բենզինը թանկացել է։ Եւ ոչ միայն Ռուսաստանում, այլեւ Հայաստանում։

Նշենք, որ Ռուսաստանում որոշվել է հետեւողականորեն նվազեցնել նավթի եւ նավթամթերքների մաքսատուրքերը՝ դա փոխհատուցելով օգտակար հանածոների արդյունահանման հարկով, նաեւ բենզինի եւ դիզվառելիքի ակցիզով։ Այդ գաղափարի նատակն է հարկային ճնշման ծանրությունը տեղափոխել ռուսաստանյան սպառողի վրա, իսկ արտահանումը հրապուրիչ է դառնում երրորդ երկրներից ներմուծողների համար։ Սակայն ոչ ԵԱՏՄ մյուս երկրների ներմուծողների համար։

Հայտնի է, որ ԵԱՏՄ երկրների միջեւ փոխադարձ առեւտուրը մաքսատուրքով չի հարկվում, ուստի դրա ազդեցությունը հավասարվել է զրոյի։ Սկզբունքորեն, ռուսաստանյան նավթամթերքների ներմուծողների համար նշանակություն ունի միայն օգտակար հանածոների արդյունահանման հարկը, որը պահվում է հում նավթից։ Հասկանալի է, որ այդ հարկի դրույքների բարձրացումը կհանգեցնի Ռուսաստանից արտահանվող նավթամթերքների գների աճի։ Այդ թվում՝ մեքենաների բենզինի եւ դիզվառելիքի։

Հունվար-հունիսին Ռուսաստանից մեր երկիր ներմուծվող նավթամթերքների միջին մաքսային արժեքը մեկ տարվա կտրվածքով աճել է 14,5 տոկոսով։ Պաշտոնական տվյալներով, Հայաստանում բենզինի մանրածախ գները օգոստոսին 10,3 տոկոսով գերազանցել են դեկտեմբերի գները, իսկ դիզվառելիքի դեպքում՝ 13,8 տոկոսով։ Չի բացառվում, որ իր ազդեցությունն է ունեցել նաեւ վառելիքի արտահանման ոլորտում առկա մենաշնորհը։

Սմբատ Գրիգորյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ահազանգ. «Արմօյլ»-ը շարունակում է կառուցել գործարանը. Արթուր Գրիգորյանն անձամբ գործարան է այցելել (ֆոտո)
Ոչ միայն աշխատանքներ են տեղի ունենում, այլեւ նոր աշխատողներ են ընդունում, որպեսզի արագ ընթանա գործը...
Եթե ազդակիր համայնքները չուզենան, այդ նախագիծը չի իրագործվի. Փաշինյանը՝ «Դեբեդ» հեկ-ի կառուցման մասին
Ես չեմ ասում, որ պետք է ասենք՝ վայ՝ պարտավորությունդ չես կատարել, հիմա գանք սեփականությունը վերցնենք...
Ածխի համաշխարհային գների փլուզում են կանխատեսել Չինաստանի պատճառով
Ընդլայնված եռամյա ծրագրով նախատեսվում է Չինաստանի 82 քաղաքներում 2016 թվականի ցուցանիշների համեմատ ածխի պահանջի 5-10 տոկոսով կրճատում…
Նավթը թանկանում է
Ուրբաթ առավոտյան նավթի համաշխարհային գներն աճել են ՕՊԵԿ-ում Սաուդյան Արաբիայի պատվիրակի այն հայտարարությունից հետո…
ՀԱԷԿ-ի վերագործարկումից հետո Հայաստանում էլեկտրաէներգիայի թակացման հարցը բաց է մնում. էներգետիկ
Այսքան տարվա անընդմեջ աշխատանքից հետո ՀԱԷԿ-ը սեփական միջոցներ չունի՞…
WTI տեսակի նավթի գինն աճում է
Նավթի համաշխարհային գները տարբեր ուղղությամբ են փոփոխվում…
Ամենաշատ
Partner news