1999 թվականի դեկտեմբերի 17-ին ՄԱԿ-ի Գլխավոր վեհաժողովը նոյեմբերի 25-ը հայտարարել է Կանանց հանդեպ բռնության վերացման համար պայքարի միջազգային օր:
ՄԱԿ-ը կառավարություններին, միջազգային կազմակերպություններին եւ ոչ կառավարական կազմակերպություններին առաջարկում է այդ օրը միջոցառումներ կազմակերպել՝ խնդրի շուրջ հասարակության ուշադրությունը հրավիրելու նպատակով:
Օրվա պատմական նախադրյալ է դարձել 1960 թվականին Դոմինիկյան հանրապետությունում տեղի ունեցած իրադարձությունը: Դոմինիկյան բռնապետ Ռաֆայել Տրուխիլյոյի հրամանով դաժանաբար սպանվել են քաղաքական ակտիվիստ Միրաբալ քույրերը: