Արգենտինայի ՌԾՈւ ներկայացուցիչ Էնրիկե Բալբին հայտարարել է, որ փրկարարներն այլեւս չեն փնտրում «Սան Խուան» սուզանավի անձնակազմի անդամներին, հայտնում է La Nacion–ը։
Բալբիի խոսքով՝ անհետացած սուզանավի 15-օրյա որոնումները արդյունք չեն տվել, եւ ողջ մնացած նավաստիներ գտնել չի հաջողվել։ Միեւնույն ժամանակ սպան նշել է, որ ծովի հատակին սուզանավի գտնվելու վայրը որոշելու գործողությունը շարունակվելու է։
Նոյեմբերի 28-ին արգենտինական մամուլը գաղնտազերծել էր վթարված նավից եկած վերջին հաղորդագրությունը։ «Ծովի ջրի հոսքը կարճ միացում է առաջացել, որի հետեւանքով հրդեհ է բռնկվել։ Մարտկոցները լիցքաթավել են»,– ասված էր ռադիոհաղորդագրության մեջ։ Հաղորդագրությունը հայտնում էր նաեւ, որ սուզանավը ընկղմվում է, եւ անձնակազմի անդամները հրամանատարությանը տեղյակ կպահեն իրադարձությունների հետագա զարգացման մասին։