Իսրայելը չի ընդունում ՄԱԿ ԳԱ-ում Երուսաղեմը որպես Իսրայելի մայրաքաղաք ճանաչումը դատապարտող բանաձեւի ընդունումը:
«Իսրայելը մերժում է ՄԱԿ որոշումը եւ միաժամանակ գոհունակություն է հայտնում նրա համար, որ մեծ թվով երկրներ կողմ չեն քվեարկել (բանաձեւին)», - նշվում է Իսրայելի վարչապետ Բենիամին Նեթանյահուի գրասենյակի հայտարարությունում:
«Իսրայելը շնորհակալություն է հայտնում ԱՄՆ նախագահ Դոնալդ Թրամփին Երուսաղեմի օգտին իր անվերապահ դիրքորոշման համար եւ շնորհակալություն հայտնում այն երկրներին, որոնք քվեարկել են Իսրայելի հետ հանուն ճշմարտության», - ասվում է հայտարարության մեջ:
Նշենք, որ բանաձեւի ընդունման օգտին քվեարկել է 128 երկիր, 35-ը՝ ձեռնպահ, 9-ը՝ դեմ: Ավելի քան 20 երկրներ չեն եկել քվեարկության:
