Իսրայելում Գվատեմալայի դեսպանությունը Թել-Ավիվից կտեղափոխվի Երուսաղեմ: Այս մասին թվիթերյան իր էջին հայտնել է կենտրոնաամերիկյան հանրապետության նախագահ Ջիմի Մորալեսը, փոխանցում է «ՏԱՍՍ»-ը:
«Գվատեմալայի սիրելի ժողովուրդ, ես այսօր զրուցել եմ Իսրայելի վարչապետ Բենիամին Նեթանյահուի հետ, - գրել է Մորալեսը: - Հիմնական թեմաներից մեկը Գվատեմալայի դեսպանատան՝ Երուսաղեմ վերադարձն էր: Տեղեկացնում եմ ձեզ, որ ես հանձնարարել եմ ԱԳՆ-ին համապատասխան աշխատանքներ սկսել, որպեսզի դա տեղի ունենա»:
ԱՄՆ նախագահ Դոնալդ Թրամփը դեկտեմբերի 6-ին հայտարարել էր, որ ժամանակն է ճանաչել Երուսաղեմը՝ որպես Իսրայելի մայրաքաղաք եւ հանձնարարել էր նախապատրաստական աշխատանքներ սկսել՝ Թել-Ավիվից Երուսաղեմ ԱՄՆ դեսպանատան տեղափոխման համար:
Դեկտեմբերի 21-ին ՄԱԿ-ի Գլխավոր ասամբլեան 128 «կողմ» ձայնով բանաձեւ էր ընդունել Թրամփի՝ Երուսաղեմը որպես Իսրայելի մայրաքաղաք ճանաչելու որոշման դեմ: Փաստաթղթին դեմ էր հանդես եկել 9 երկիր՝ Գվատեմալան, Հոնդուրասը, Իսրայելը, Մարշալյան կղզիները, Միկրոնեզիան, Նաուրուն, Պալաուն, ԱՄՆ-ն եւ Տոգոն: Եւս 35 երկիր քվեարկության ժամանակ ձեռնպահ էր մնացել: