Freedom House իրավապաշտպան կազմակերպության 2018 թվականի զեկույցի համաձայն՝ Հայաստանը շարունակում է մնալ մասամբ ազատ երկրների ցանկում:
Միջազգային կազմակերպությունը հերթական զեկույցում գնահատել է աշխարհի 195 երկրների ազատության աստիճանը:
Հայաստանի հարեւանների թվում Վրաստանը նույնպես մտցված է մասամբ ազատ երկրների խմբում, մինչդեռ Թուրքիան, Իրանը եւ Ադրբեջանը «ոչ ազատ» երկրների շարքում են:
«Աշխարհում ազատություն 2018. ժողովրդավարության ճգնաժամ» կոչվող հետազոտության հեղինակները եզրակացրել են, որ վերջին 12 տարում աշխարհում ազատությունն անշեղորեն նվազել է: Զեկույցում նշվում է, որ 2017 թվականին ժողովրդավարությունը բախվել է տասնամյակների ընթացքում ամենալուրջ ճգնաժամին, քանի որ նրա հիմնական սկզբունքները, ներառյալ ընտրությունների ազատ եւ արդար երաշխիքները, փոքրամասնությունների իրավունքները, մամուլի ազատությունը եւ օրենքի գերակայությունը, հարձակման են ենթարկվել ամբողջ աշխարհում:
71 երկրում գրանցվել է քաղաքական իրավունքների եւ քաղաքացիական ազատությունների անկում, եւ միայն 35-ում է առաջընթաց գրանցվել:
Միացյալ Նահանգները նահանջել է մարդու իրավունքների պաշտպանության չեմպիոնի իր ավանդական դերից, ինչպես նաեւ Ամերիկայում քաղաքական իրավունքների եւ քաղաքացիական ազատությունների մակարդակի նվազման պայմաններում օրինակ ծառայելուց:
Միջազգային կազմակերպությունը հերթական զեկույցում գնահատել է աշխարհի 195 երկրներում եւ 14 տարածքներում ազատության վիճակը։ Վերջինների թվում է նաեւ Արցախը (մասամբ ազատ երկիր)։
