News
Լրահոս
News
Հինգշաբթի
Հունվար 24
Տեսնել լրահոսը

Ակցիզային հարկը միակ հարկատեսակն էր, որի բարձրացումը կարող էր չեզոքացնել կամ փոխհատուցել գործարար միջավայրը բարելավող փոփոխությունների արդյունքում պետական եկամուտների նվազեցումը: Այս մասին, այսօր՝ հունվարի 23-ին, ԱԺ-ում «Առանձին ապրանքատեսակների գների բարձրացման պատճառները եւ գնաճը մեղմելու հնարավորությունները» թեմայով խորհրդարանական լսումների ժամանակ հայտարարեց ՊԵԿ փոխնախագահ Վախթանգ Միրումյանը՝ անդրադառնալով վառելիքի ակցիզային դրույքափաչերի բարձրացման պատճառներին:

Նա մանրամասն անդրադարձավ բենզինի, դիզվառելիքի եւ սեղմված գազի ակցիզային դրույքաչափերի բարձրացման ազդեցությանը նշելով. «Կարո՞ղ էր վառելիքի գների աճը շղթայական էֆեկտ ունենալ եւ ազդել մյուս ապրանքների գների վրա: Բենզինի մեկ տոննայի համար ակցիզը բարձրացվել է 15 հազար դրամով, սակայն բենզինը արտադրական նպատակ չունի, հետեւաբար այն այլ ապրանքների գների աճի չի կարող հանգեցնել:

Ինչ վերաբերում է խոցելի խմբերի վրա ազդեցությանը, ապա Հայաստանում հիմնականում մեքենաները շահագործվում են սեղմված գազով: Համեմատաբար հարուստ մարդիկ են բենզին օգտագործում»:

Ինչ վերաբերում է սեղմված գազին, ապա մեկ խմ-ի համար ակցիզային հարկի եւ ԱԱՀ-ի բարձրացումը կազմել է 20 դրամ. «Դրանով հավասարվել ենք այն մակարդակին, որն ունեինք 2015-ին, հետեւաբար ասել, որ դրանով պայմանավորված կլինի տրանսպորտի թանկացում եւ գնաճ, եւս փաստարկված չէ:

Ինչ վերաբերում է քաղաքացիների կողմից սեղմված գազով մեքենա վարելուն, ապա մինչեւ 289 հազար աշխատավարձի պարագայում, հարկային օրենսգիրքը նախատեսել է հարկային բեռի նվազեցում՝ եմակտահարկի դեպքում: Նման աշխատավարձ ստացողները վարձու աշխատողների 90 տոկոսն են կազմում:

Ենթադրենք անձն ստանում է 150 հազար դրամ աշխատավարձ: Նրա համար եկամտային հարկը նվազել է 2580 դրամով: Դա նշանակում է, որ այդ գումարը կարող է փոխհատուցել 130 խմ գազի սպառման գծով ակցիզային հարկի բարձրացման ազդեցությունը»:

Վախթանգ Միրուկյանն անդրադարձավ նաեւ դիզելային վառելիքին՝ նշելով. «Դիզելային վառելիքի գծով ակցիզային հարկը նվազել է. մեկ տոննայի դիմաց դրույքաչափը 35 հազարից հասել է 13 հազար դրամի: Մյուս կողմից դիզվառելիքը ներառվել է ԱԱՀ-ի դաշտում: Մինչեւ 2018 թվականի հունվարի 1-ը դիզվառելիքի գինը 280 դրամ էր, հիմա այն սահմանվեց 440 դրամ: 380 դրամով դիզվառելիք գնողը չէր ունենում ԱԱՀ-ն հաշվանցելու հնարավորություն: Իսկ 440 դրամով գնելու դեպքում՝ մարդը հնարավորություն է ստանում 74 դրամ ԱԱՀ հաշվանցել: Դա նշանակում է, որ նրա համար դիզվառելիքը նրա համար կազմում է 366 դրամ: Այսինքն այս փոփոխությունը պետք է մղեր ոչ թե գնաճի, այլ հակառակը՝ գնանկման»:

Համեմատած Վրաստանի եւ Ադրբեջանի հետ մեզ մոտ բարձր է թե կենսաթոշակը, թե միջին աշխատավարձը. Ջավադյան

Պարզվեց՝ կարագն ավելի օգտակար է, քան ձեթը, դրա համար կարագը թանկացավ. Արթուր Ջավադյանի մեկնաբանությունը

«Հարեւան երկրներում գնաճն ավելի բարձր է եղել». ԿԲ նախագահը մեղադրեց կանխատեսում անող փորձագետներին

Որքա՞ն է կազմել գնաճը Հայաստանում. թվեր ներկայացրեց վիճակագրության ծառայության պետը

Մենք այստեղ չենք հավաքվել, որ թոզ փչենք ու գնանք. Շարմազանովն ու Փաշինյանը բանավիճեցին

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Գազպրոմն» Ադրբեջանում ներկայացուցչությունն է բացել
Ընկերության պաշտոնական ներկայացուցիչը ՌԴ քաղաքացի Մաքսուտ Անդերժանովն է...
Հայաստանը պայմանավորվել է «Գազպրոմի» հետ՝ գազի ներքին սակագինը պահպանելու շուրջ. Փաշինյան
Հայաստանի վարչապետ Նիկոլ Փաշինյանը հայտարարել է, որ երկրի իշխանությունները...
Նավթի գներն աճում են
Մարտի առաքման համար Brent-տեսակի ֆյուչերսներն աճել․․․
Վրաստանը եւ «Գազպրոմը» երկու շաբաթվա ընթացքում կպայմանավորվեն Հայաստան գազի տարանցման շուրջ
Արդյունքները կհրապարակվեն նոր պայմանների քննարկումից հետո...
«Իմ քայլը». Աշխատակիցների հնարավոր կրճատումը «Գազպրոմ Արմենիա» ընկերության գործն ու իրավունքն է
«Գազպրոմ Արմենիայի» եւ իշխանությունների միջեւ բանակցությունները շարունակվում են...
ԵՏՄ վարչապետները փետրվարի 1-ին կքննարկեն միությունում գազի փոխադրման գնագոյացումը
Այս հարցը փետրվարի 1-ին կքննարկվի վարչապետների մակարդակով․․․