ԱՄՆ-ի Երկրաբանական ծառայությունը (USGS) հայտնել է, որ ԱՄՆ Ալյասկա նահանգի ափի մոտակայքում 8.2 մագնիտուդ ուժգնությամբ երկրաշարժ է տեղի ունեցել, հաղորդում է «ՌԻԱ Նովոստի»-ն:
Ստորգետնյա ցնցումները գրանցվել են UTC-ի ժամանակով 09:31-ին: Երկրաշարժի էպիկենտրոնը գտնվել է Կոդյակ քաղաքից 278 կիլոմետր դեպի հարավ-արեւելք: Օջախը գտնվել է 19 կմ խորության վրա: Զոհվածների մասին տեղեկեթյուն չի հաղորդվել: ԱՄՆ-ում հայտարարել են ցունամիի վտանգի մասին: