ՆԱՏՕ-ն Բաղդադի խնդրանքով կպահպանի իր ներկայությունն Իրաքում եւ կշարունակի աջակցել երկրի զինված ուժերին: Այս մասին հայտարարել է դաշինքի գլխավոր քարտուղար Յենս Ստոլտենբերգը, ով պաշտոնական այցով գտնվում է արաբական երկրում, փոխանցում է «ՏԱՍՍ»-ը՝ վկայակոչելով Al Sumaria հեռուստաալիքը:
ՆԱՏՕ-ի գլխավոր քարտուղարի հայտարարությունը հնչել է Իրաքի խորհրդարանի՝ երկրում «ԻՊ»-ի ջախջախումից հետո օտարերկրյա զինվորականների դուրս բերման ժամկետները նշելու պահանջի վերաբերյալ որոշումից մի քանի օր անց:
«Մենք այստեղ ենք, քանի որ Իրաքն է դա ցանկանում»,- ասել է Ստոլտենբերգը՝ նշելով, որ դաշինքը գրավոր հայտ է ստացել վարչապետ Հեյդար Ալ Աբադիից: Միեւնույն ժամանակ, նա հավաստիացրել է, որ ՆԱՏՕ-ն «երկար չի մնա» հանրապետությունում եւ «կշարունակի իրաքյան ուժերի վերապատրաստումը՝ «ԻՊ»-ի կրկին հայտնվելը կանխելու նպատակով»: