Ռուսաստանի Կեմերովո քաղաքում մարտի 25-ին առեւտրի կենտրոնում բռնկված խոշոր հրդեհի հետեւանքով զոհվածների ցուցակում 2 հայ կա: Այս մասին NEWS.am-ին ասաց Ռուսաստանի հայերի միության Կեմերովոյի գրասենյակի ղեկավար Գեորգի Անտոնով-Միրզախանյանը:
Զոհվածները հայր ու որդի են՝ Գալանին Դմիտրի Սարգիսի եւ Գալանին Միխայիլ Դմիտրիի: Հայրը 43 տարեկան էր, որդին՝ 10 տարեկան:
«Հենց հիմա տեղի հայերը հավաքվել են՝ հարգելու զոհված երկու հայերի հիշատակը»,- ասաց նա:
Լրատվամիջոցների հաղորդմամբ՝ նա բաժանված է եղել։ Նատալյայի նախկին ամուսնու խոսքով՝ նա աշխատել է հանրային սննդի կետում։ «Նա մեր միակ որդուն կինոդիտման էր տարել։ Զոհվել են երկուսն էլ, ես նրանց ճանաչեցի։ Իմ նախկին սկեսուրը ծերության տարիքում միայնակ է մնացել, առանց որդու աջակցության»։
Մարտի 27-ին Նատալյան գնացել է Զավոդսկի շրջանի դատարան, որտեղ պետք է լուծվեր կասկածյալների կալանավորման հարցը։ Նա ցանկանում էր համոզվել, որ մեղավորներին կպատժեն։
Հիշեցնենք, որ Կեմերովոյում «Զիմնյայա վիշնյա» 4 հարկանի առեւտրի կենտրոնում հրդեհը բռնկվել էր մարտի 25-ին: Հրդեհի հետեւանքով, ըստ պաշտոնական տվյալների, 64 մարդ է մահացել, այդ թվում՝ 41 երեխա:
