News
Լրահոս
News
Ուրբաթ
Մարտ 29
Տեսնել լրահոսը

ԱԱԾ տնօրեն Արթուր Վանեցյանին սուտ տեղեկություններ են փոխանցել։ Այս մասին NEWS.am–ին հայտնեց Բագրատաշենի անցակետում գտնվող Քրիստինա Մանուկյանը, որը զբաղվում է Թուրքիայից ապրանքների ներկրմամբ։

Նշենք, որ առևտրականները արդեն մեկ շաբաթ է մնացել են Բագրատաշենի անգարում։ Նրանց թույլ չեն տալիս մաքսազերծել Թուրքիայից Հայաստան տեղափոխված շուրջ 14 տոննա բեռը։

Մանուկյանը պատմեց, որ առաջին օրը անգարում 41 առևտրական կար, որոնք մնացել էին իրենց բեռների կողքին, սակայն նրանց մի մասը թողնելով բեռը հեռացել է՝ հաշվի առնելով, որ անցակետում պայմաններ չկան։ Այս պահին անցակետում 24 առևտրական է մնացել։

Անդարադառնալով ԱԱԾ տնօրեն Արթուր Վանեցյանի այն հայտարարությանը, թե 20 տոննա բեռից հայտարարագրել են միայն 3 տոննան, այն էլ հագած հագուստներ, խողովակներ, որոնց համար չնչին մաքսատուրք է նախատեսվում, Մանուկյանն ասաց.

«Սուտ տեղեկատվություն են տվել ԱԱԾ տնօրենին, նման բան չկա։ Իրենց ասած թվերը սուտ են։ Իսկ ինչու՞ Վանեցյանը չի ասում, որ որոշում չի եղել, որ կոնտրաբանդան մեքեննա հետ է բերել»։

Նա նշեց, որ երեք տոննա բեռ մաքսազերծելու համար պատրաստ են վճարել 14.000 եվրո գումար, միայն թե թողնեն իրենց դուրս գալ անցակետից։

Արձագանքելով Վանեցյանի այն հայտարարությանը, թե իրենք տեղեկություններ ունեն, որ կաշառք ստանալու մեջ կասկածվող մաքսայինի ծառայողը սովորեցրել է քաղաքացիներին ճանապարհ փակել, ծայրահեղ քայլերի դիմել, առևտրականն ասաց.

«Նման բան չկա, ոչ մեկ մեզ ոչինչ  չի ասում, հակառակը այս մի շաբաթվա ընթացքում մաքսատան մի աշխատակից չի մոտեցել, որ մեր խնդրով զբաղվեն։ Մենք բողոքում ենք, որովհետև մեր բոլոր քայլերը հիմնավոր են»։

Ավելի վաղ հայտնել ենք, որ արդեն մի քանի օր է լարված իրավիճակ է ստեղծվել Բագրատաշենի մաքսատանը։ NEWS.am–ին ահազանգած առեւտրականները պնդում են, որ 5–րդ օրն է Սահմանապահ զորքերի աշխատակիցները ավտոմատներով զինված իրենց փակել են անցակետի անգարում եւ թույլ չեն տալիս դուրս գալ։

ԱԱԾ–ից էլ պարզաբանել էին, որ ՀՀ մի խումբ քաղաքացիներ առևտրային նպատակներով Թուրքիայից ձեռք բերված խոշոր խմբաքանակներով բեռների մի մասը «Բագրատաշեն հսկիչ մաքսակետով ներկրել են Հայաստան՝ առանց հայտարարագրման կամ այլ՝ ավելի էժան ապրանքների հայտարարագրման անվան տակ՝ չվճարելով մաքսազերծման համար նախատեսված հարկերն ու տուրքերը:

Տպել
Կարդացեք նաև
Ամբողջը
Թմրամոլության և ապօրինի թմրաշրջանառության դեմ Երևանի պարեկների պայքարի աչքի ընկած դրվագները
Մարտի 11-ին, կեսգիշերից քիչ անց, մայրաքաղաքի Անդրանիկի փողոցում ծառայելիս…
Հորը բռնության ենթարկելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեբուժարանում
Նախաքննությունը շարունակվում է, պարզվում են նշված դեպքերի և դրանց նպաստած բոլոր հանգամանքները...
Մեքենան գլորվել է ձորը. վարորդը հիվանդանոցում մահացել է
Մարտի 27-ին, ժամը 17.45-ի սահմաններում, «ՈՒԱԶ-469B» մակնիշի մեքենան...
Գերմանիայում երկու օրվա ընթացքում տեղի է ունեցել երկրորդ ծանր ավտոբուսի վթարը
Ըստ տեղեկությունների՝ 20 մարդ թեթեւ վնասվածքներ է ստացել, մեկը՝ ծանր, սակայն նրա կյանքին վտանգ չի սպառնում...
«Ֆորդը» հետընթաց է կատարել եւ վրաերթի ենթարկել 83-ամյա կնոջը. դեպքից 6 օր անց նա մահացել է
Վրաերթի ենթարկված 83-ամյա կինը հիվանդանոցում մահացել է...
Երեւանում «BMW»-ն բախվել է բենզալցակայանի մոտ գտնվող ցանկապատին, ապա պատին. վարորդը հեռացել է դեպքի վայրից
Վթարի փաստով նույն բաժնում փաստաթղթեր են ձևակերպվել, որտեղ էլ պարզվում է վարորդի ինքնությունը և թե ինչ հանգամանքներում է վերջինս վթարի ենթարկվել...
Ամենաշատ