News
Լրահոս
News
Ուրբաթ
Նոյեմբեր 22
USD
476.69
EUR
528.46
RUB
7.47
ME-USD
0.06
Տեսնել լրահոսը

Ադրբեջանի կառավարությունը բողոքի խաղաղ ակցիաների ընթացքում մարդու իրավունքների լիակատար անտեսում է ցուցաբերել: Այս մասին ասվում է Human Rights Watch-ի հայտարարության մեջ:

Հայտարարության մեջ նշվում է, որ Ադրբեջանի ոստիկանությունը 2019-ի հոկտեմբերի 19-ին եւ 20-ին Բաքվի կենտրոնում ցրել է 2 խաղաղ ցույց, ձերբակալվել եւ դաժանորեն ծեծվել են տասնյակ խաղաղ ընդդիմադիրներ եւ քաղաքացիական ակտիվիստներ: Ձերբակալվածների թվում է ընդդիմադիր Ազգային ճակատ կուսակցության առաջնորդ Ալի Քերիմլին, որը բազմաթիվ վնասվածքներ է ստացել եւ կալանքի տակ է պահվել մի քանի ժամ:

«Ադրբեջանի կառավարությունը եւս մեկ անգամ ցույց տվեց մարդու իրավունքների լիակատար անտեսում: Իշխանությունները պետք է անհապաղ ազատ արձակեն բոլոր ցուցարարներին եւ հետաքննեն իրավապահ մարմինների կողմից կոշտ վերաբերմունքի մասին ցանկացած հայտարարություն»,- հայտարարել է Եվրոպայի եւ Կենտրոնական Ասիայի հարցերով HRW տնօրենի տեղակալ Գեորգի Գոգիան:  

Բացի այդ, հոկտեմբերի 19-ի հանրահավաքից առաջ իշխանություններն ընդդիմադիր կուսակցությունների առնվազն 10 բարձրաստիճան անդամի են ձերբակալել: Նրանց թվում է ընդդիմադիր հայտնի լրագրող Սեյմուր Հազին, ում 15 օրվա վարչական կալանք է նշանակվել:

Ոստիկանները ցրել են նաեւ քաղաքի կենտրոնում հավաքված տասնյակ իրավապաշտպանների: Ցուցարարները, մասնավորապես, ցանկացել են լուսաբանել Լեյլա Մամեդովայի սպանությունը, ում ամուսինը նրան սպանել է նրա երեխաների եւ անցորդների աչքի առջեւ:

Չնայած նրան, որ Ադրբեջանի սահմանադրությունը ենթադրում է, որ խմբերը կարող են խաղաղ ցույցեր անցկացնել համապատասխան պետական մարմնին ծանուցելուց հետո, գործնականում իշխանությունները պահանջում են, որպեսզի հավաքները իշխանությունների կողմից տրված թույլտվություն ունենան:

«Չնայած ցույցն արտոնված չէր, ոստիկանությունը չպետք է ուժ կիրառեր ցուցարաներին ցրելու համար, որոնք որեւէ սպառնալիք չէին ներկայացնում: Հավաքների ազատությունը հիմնարար իրավունք է, եւ Ադրբեջանի իշխանությունները պարտավոր են հանդուրժել խաղաղ ցույցերը, նույնիսկ Բաքվի կենտրոնում»,- ասել է Գոգիան:    

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ադրբեջանի ԶՈւ գնդապետը պաշտպանության նախարարին մեղադրել է ֆինանսական եւ այլ խախտումների մեջ
Նա նաեւ մեղադրել է մի շարք սպաների, որոնք համագործակցում են արտասահմանյան պետությունների հետ...
Բաքվում համատարած բռնում են «Մուսավաթ» կուսակցության ներկայացուցիչներին
Բաքվում նախօրեին զանգվածային կալանավորումներ են տեղի ունեցել...
Ադրբեջանի փոխարտգործնախարարը հրաժարական է տվել
Հաֆիզ Փաշաեւը հրաժարականի դիմում է ներկայացրել...
Ադրբեջանում հարկադիր աշխատանքի է դատապարտվել մուբարիզ իբրահիմովի «հերոսության» դեմ ոտնձգած աղջիկը
Աղջիկը պետք է հարկադիր աշխատի 400 ժամ...
Եվրոպացի պատգամավորները Ֆեդերիկա Մոգերինիին կոչ են արել դադարեցնել Ադրբեջանի հետ բանակցությունները
Այդ կապակցությամբ խմբի արտասահմանյան գործերով փոխնախագահ Քաթի Փիրին ասել է. «Բռնության վերջին դեպքը հերթական անգամ ապացուցեց...
Բաքվում ԱՄՆ դեսպանատունը ստիպված է եղել արդարանալ
ԱՄՆ դեսպանատունը խստորեն դատապարտել է Ադրբեջանի կառավարամետ ԶԼՄ-ներում եւ հեռուստաալիքներում հայտնված այն տեղեկությունները, թե Բաքվում հոկտեմբերի 19-ին տեղի ունեցած ցույցերի հետեւում կանգնած է ԱՄՆ-ը...
Ամենաշատ