Երեւանում նոյեմբերի 27-ին տեղի է ունենում հանդիպում Թուրինի գործընթացի մասին իրազեկման շուրջ, որտեղ նախատեսվում է ներկայացնել ազգային զեկույցի հիմնական եզրակացություններն ու երաշխավորությունները, ինչպես նաեւ Կրթության եվրոպական հիմնադրամի գնահատականը։
Թուրինի գործընթացը գործընկեր երկրներում ենթադրում է վերլուծել մասնագիտական կրթության եւ ուսուցման (ՄԿՈւ) կապիտալի եւ քաղաքականության զարգացման խնդիրները, ՄԿՈւ բարեփոխումների մոնիթորինգ անցկացնել, գնահատել առաջընթացն ու քաղաքացիների վրա ազդեցությունը եւ համաձայնեցնել ապագա առաջնահերթությունները։
Միջոցառմանը մասնակցում են «Արեւելյան գործընկերության» հարցերի դեպարտամենտի հարեւանության եւ Եվրահանձնաժողովի ընդլայնման գծով բանակցությունների գլխավոր տնօրինության տնօրեն Լոուրենս Մերեդիթը, Հայաստանի կրթության եւ գիտության փոխնախարար Արեւիկ Անափիոսյանը, փորձագետներ։
