Հնդկաստանի Ուտար Պրադեշ նահանգում 23-ամյա կնոջն այրել են դատարանի ճանապարհին, որտեղ նա պետք է ցուցմունք տար երկու տղամարդկանց դեմ, որոնք մեղադրվում են նրան բռնաբարելու մեջ:
CNN-ի հաղորդմամբ՝ կնոջ վրա հարձակվել էին երկաթգծի կայարանի ճանապարհին: Կինը գտնվում է ծայրահեղ ծանր վիճակում. այրվել է նրա մարմնի մինչեւ 90 տոկոսը: Նրա վրա հարձակվողներից են նաեւ երկու բռնարարներն ու նրանց բարեկամները: Բռնարարներից մեկն ազատ էր արձակվել գրավի դիմաց, իսկ մյուսը փախուստի էր դիմել: Ոստիկանությունը ձերբակալել է 5 մարդու սպանության փորձի եւ վախեցնելու կասկածանքով:
Հնդկաստանը բախվում է կանանց նկատմամբ սեռական բռնության էնդեմիկ խնդրի հետ:
Կանանց իրավունքների պաշտպանությամբ զբաղվող ակտիվիստների խոսքով՝ անցյալում Հնդկաստանում սեռական ոտնձգություններն իշխանությունների կողմից դիտարկվում էին որպես ավելի շուտ սոցիալական եւ մշակութային խնդիր, սակայն ոչ իրավապահ մարմինների պարտավորություն և հոգատարություն, քանի որ գոյություն ունեցող օերնքները չեն պաշտպանում կանանց:
