Տեխասում 19-ամյա երիտասարդը սպանել հղի քրոջը, քանի որ նա «ընտանիքի համար խայտառակություն» էր: Ընդ որում՝ նա փորձել է ամեն ինչ այնպես ներկայացնել՝ իբր դա ինքնասպանություն է եղել: 23-ամյա Վիրիդիանա Արեվալոն 8-ամսական հղի էր:
Նա մեկ շաբաթ առաջ անհետ կորել էր: Ընտանիքը գրություն է գտել, որում գրված էր, որ նա ցանկանում է ինքնասպանություն գործել:
Նրա եղբորը՝ Էդուարդո Արեվալոյին, սպանության մեղադրանք է առաջադրվել այն բանից հետո, երբ աղջկա մարմինը հայտնաբերվել է նրբանցքում: Նա ոստիկաններին ասել է, թե նրան սպանել է, քանի որ «ընտանիքի համար խայտառակություն» էր, եւ «ավելի լավ կլիներ, որ նա այստեղ չլիներ», հայտնում է Fox 4 Dallas-ը:
Ոստիկանության հայտարարությամբ՝ Արեվալոն խոստովանել է, որ իր քրոջը խեղդել է դեկտեմբերի 16-ին: Նա նաեւ խոստովանել է, որ նախապես է գրել մահվանից առաջ գրությունը, որը ընտանիքը գտել էր:
Նա հայտնել է, որ մարմինը դրել է իր մեքենայի բեռնախցիկը եւ 1 ժամ ընթանալուց հետո այն նետել քաղաքից դուրս հեռու վայրում: Մեկ շաբաթ անցնելուց հետո Էդուարդոն ցանկացել է, որ իր ընտանիքն իմանա, թե որտեղ է Վիրին, ուստի վերցրել է նրա մարմինը եւ նետել նրբանցքում:
