ՀՀ վարչապետ Նիկոլ Փաշինյանի տիկին Աննա Հակոբյանը Երեւան քաղաքում կորոնավիրուսից պաշտպանվելու վերաբերյալ բուկլետ բաժանելիս հանդիպեց քաղաքացու, ում հորդորեց` հետեւել կորոնավիրուսից պաշտպանվելու եղանակներին, ինչին ի պատասխան քաղաքացին ասաց. «Հետեւում եմ, բա ձեր մասկան որտե՞ղ է»:
Աննա Հակոբյանը պատասխանեց. «Մենք դրա մասին կխոսենք»:
Վարչապետի կինը մտավ նաեւ դեղատուն, մթերային խանութներ` տեղեկատվական բուկլետները բաժանելու համար:
Հակոբյանը բուկլետ տվեց նաեւ կրպակի վաճառողուհուն, վերջինս նշեց, որ առեւտուր չկա, ինչին ի պատասխան Աննա Հակոբյանն ասաց. «Տվյալ իրավիճակում լավ է, որքան էլ տարօրինակ է հնչում, որ մարդ չկա»:
