«Լուսավոր Հայաստան» կուսակցության կառավարման խորհուրդը այսօր երեկոյան հրատապ նիստ է հրավիրել եւ վաղը հանդես կգա հայտարարությամբ: Այս մասին NEWS.am-ին հայտնեց կուսակցության անդամ, Երեւանի ավագանու «Լույս» խմբակցության անդամ Դավիթ Խաժակյանը:
Ավելի վաղ կուսակցությունը հայտարարություն էր տարածել, որում ասվում էր.
«Լուսավոր Հայաստան կուսակցության կառավարման խորհուրդը ուշադրությամբ հետևում է այսօրվա զարգացումներին։
Բնականաբար թե՛ նախկինում տեղի ունեցած երևույթներին և թե՛ ընթացող գործընթացներին մեր կողմից կտրվեն անհրաժեշտ իրավական և քաղաքական գնահատականները»։