News
Լրահոս
News
Շաբաթ
Սեպտեմբեր 26
USD
485.27
EUR
565.05
RUB
6.28
ME-USD
0.01
Տեսնել լրահոսը

Ադրբեջանի պահվածքում դեպի վատ կողմը որոշակի փոփոխություններ են նկատվում: Այս մասին NEWS.am-ի հետ զրույցում ասաց Արցախի նախագահի խորհրդական Դավիթ Բաբայանը:

Նրա խոսքով՝ խոսքը տակտիկայի փոփոխության մասին է: «Բազմիցս խոսվել է Ադրբեջանի հայատյաց քաղաքականության, որպես այդ պետության կառուցման հիմք նացիզմի դրսեւորման մասին, սակայն այժմ մենք տեսնում ենք տակտիկական փոփոխություններ: Ադրբեջանն արտասահմանում անցել է ավելի լկտի ահաբեկչական գործունեության: Ադրբեջանն օգտագործում է իր քաղաքացիներին, այսպես կոչված համայնքին՝ նրանց միջոցով հարձակումներ գործելով հայերի եւ նրանց պատկանող գույքի վրա: Փաստացի դա նշանակում է հետեւյալը. իրավաբանական տեսանկյունից ադրբեջանական պետությունը որեւէ պատասխանատվություն չի կրում, նույնիսկ եթե միջադեպերի մասնակիցների հետ ինչ-որ բան լինի, դա կորակվի որպես մասնավոր գործողություն: Սակայն, բնականաբար, մենք գիտենք, որ դրա հետեւում կանգնած է ադրբեջանական պետությունը: Չեմ կարծում, թե քաղաքացիներին զոմբիացնելը գաղափարական բնույթ է կրում: Ամենայն հավանականությամբ, խոսքը ֆինանսական, նյութական մոտիվացիայի մասին է: Միջադեպերի մասնակիցներն ամենեւին մտավորականության, բարձր կամ միջին դասի ներկայացուցիչներ չեն: Նրանք գործազուրկներ են, ովքեր խնդիրներ ունեն օրենքի հետ: Որպես կանոն՝ նման գործողություններ կատարելու համար նրանք պետք է վճարվեն»,-նշեց Դավիթ Բաբայանը:

Նա հիշեցրեց Իտալիայում տեղի ունեցած դեպքը, երբ ադրբեջանցի բլոգերը հայտնվել էր ՀՀ վարչապետի մամուլի ասուլիսին եւ փորձել սադրիչ հարցեր տալ: «Փաստացի նրան հաջողվել է մոտենալ պետության ղեկավարին: Վաղը նրանք կարող են չսահմանափակվել հարցերով եւ անցնել անկանխատեսելի գործողությունների: Այս փուլում այդ քայլերը կարելի է որակել որպես «ուսուցում», սա դեռ «պատերազմ» չէ, սա մարտից առաջ փորձ է: Մենք պետք է հասկանանք, որ վաղը հարձակումները կարող են շարունակվել, սա առաջին փուլն է, եւ այն ցույց տվեց, որ Ադրբեջանը կարող է որոշակի խնդիրներ ստեղծել հայերի համար նաեւ արտասահմանում: Անհրաժեշտ է լրջորեն մոտենալ այդ հարցին եւ մշակել հակազդեցության մեխանիզմները: Զուգահեռաբար պետք է ուսումնասիրել, թե ովքեր են հակահայկական ակցիաների մասնակիցները՝ օգտագործելով Հայաստանի, Արցախի եւ Սփյուռքի հնարավորությունները: Պետք է ուժեղացնել անվտանգության համակարգը, հատկապես՝ այցերի ընթացքում»,-եզրափակեց Դավիթ Բաբայանը: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Տավուշի դեպքերի ժամանակ զոհված Սոս Էլբակյանի անունով փողոց է անվանակոչվել Մարմաշենում
2020 թվականի հուլիսյան մարտերին հայ-ադրբեջանական սահմանին մահացու…
Ֆրանսիայում տեղի է ունեցել հայ ցուցարարների վրա հարձակված թուրքերի դատական 1-ին նիստը
Փաստաբանը նշել է, որ Չեթինն ընդունել է իր սխալն ու դադարեցրել է քաղաքական բոլոր գործունեությունները...
Մենք ականատես ենք եղել Ադրբեջանում Թուրքիայի ռազմական ներկայության տարրերի. ԱԳ նախարար
Աշխարհի բոլոր երկրները շատ զգույշ են եղել՝ չխթանելու էսկալացիայի հետագա սրացում, և միայն Թուրքիան էր, որ ցուցաբերում էր շատ միակողմանի մոտեցում…
Ռոբերտ Քոչարյան. «Ակն ընդ ական» սկզբունքը միշտ է գործում առաջնագծում
«Հուլիսյան բախումների մասշտաբներն ինքնին մեծ չէին, նույնիսկ անհամեմատելի էին 2016-ի իրադարձությունների հետ, սակայն ավելի մեծ գործողությունների վերաճման սպառնալիք միշտ կա...
Դաշնակցությունը Հայոց բանակի եւ սահմանապահ գյուղերի կողքին է․ ՀՅԴ Բյուրոյի ներկայացուցչի ուղերձը
Անցած ամիս Տավուշի շրջանի վրա Ադրբեջանի կատարած հարձակումից հետո, բնականաբար, անհրաժեշտ էր, որ...
Ռազմական անվտանգության ապահովումն օրախնդիր է. չպետք է իլուզիաներով տառապենք. քաղաքագետ
Թուրքիայի ռազմական ներկայությունն ուղղակիորեն կապված է նաև Հայաստանի ռազմական անվտանգության հետ...